زانایان خه‌ریکی لێکۆڵینه‌وه‌ی ئه‌و وێنه‌ سه‌رسووڕهێنه‌رانه‌ بوون که‌ فه‌زاپێوی کاسینی هه‌ڵیگرتووه‌ته‌وه‌.
وێنه‌ و شتگه‌لی کاسینی که‌ حه‌وتووی ڕابردوو چووبوه‌ ناو مه‌داری که‌یوانه‌وه‌ نیشانده‌ری ئه‌وه‌یه‌ که‌ ئاڵقه‌کانی که‌ویوان به‌ شێوه‌ی سه‌ره‌کی له‌ سه‌هۆڵ پێکهاتوون.
سه‌ره‌ڕای ئه‌وه‌، ئه‌م ئاڵقانه‌ هه‌روه‌ها خاوه‌نی ماکه‌یه‌کی مه‌یله‌وبۆرن‌ که‌ زانایان به‌ «خاک»یان چوواندوون‌ و ده‌گه‌ڵ ماکه‌گه‌لێک که‌ له‌ سه‌ر ڕووبه‌ری فوێبێ _ یه‌کێک له‌ مانگه‌ دووره‌دسته‌کانی که‌یوان بینراوه‌ وێچوویی هه‌یه‌.
ئه‌م شتگه‌لانه‌ له‌وانه‌یه‌ سه‌رچاوه‌ی ئاڵقه‌گرینگه‌کانی که‌یوان ده‌ربخه‌ن.
دۆزینه‌وه‌ی ئه‌و ماکه‌ مه‌یله‌وبۆره‌، ئه‌و بیرۆکه‌یه‌ی که‌ ده‌ڵێ ئاڵقه‌کانی که‌یوان پاش له‌ناوچوونی یه‌کێک له‌ مانگه‌کانی خۆی پیکهاتوون، پته‌وترده‌کا.
کاسینی هه‌روه‌ها وێنه‌گه‌لێکی به‌ چاوه‌ندازی نزیکه‌وه ‌له‌ دوو مانگی که‌یوان که‌ هێندێک تایبه‌تمه‌ندیی ڕووبه‌ری هه‌ردووکیان ده‌رده‌خا، هه‌ڵگرتووه‌ته‌وه‌.
واوێده‌چێ گه‌وره‌ترین مانگی که‌یوان _ تیتان _ ته‌نیا قه‌واره‌یه‌کی کۆره‌گه‌ی هه‌تاویی جگه‌ له‌ زه‌وی بێ که‌ له‌ سه‌ر ڕووبه‌ره‌که‌یدا ئاو ده‌بیندری.