گوڵم له‌گه‌ڵ شنه‌بایه‌ک
له‌ نیوه‌ شه‌و
تالێک قژت گه‌یشته‌لام
پڕ بوو له‌ بــــــــــــــــــــۆ
منيش كردم به‌ جۆڵانه‌ بۆ دڵی خۆم
بۆ سه‌ر خه‌وێ
به‌ یادی تــــــــــــــۆ
که‌ بێدار بووم به‌ ناچاری
نه‌ک ته‌نها خۆم
به‌ڵكو هه‌موو ژووره‌که‌شم
بۆنی عه‌تری لێ ده‌باری
له‌وساوه‌ من
نازانم شه‌و
تاکو دونیا‌ خامۆش ده‌بێ
شیعر بۆ چاوت بنووسم
چونکه‌ ئیتر سه‌رم سووڕماوه‌ له‌ خۆشم
يان دانيشم
تا به‌یانی
شووشه‌ شووشه‌
بۆنی زوڵفی تــــــــــــــــــــــــۆ بفرۆشــــم.

• • •