بۆ پێم ناڵێی؟
كه‌‌ تۆ شێت بووی یه‌كه‌م نامه‌ت
خسته‌ به‌ریدی كام شێتخانه؟!‌
یه‌كه‌م به‌ردت گرته‌ كام په‌نجه‌ره‌‌ و
یه‌‌كه‌م یه‌خه..
یه‌خه‌ی كام گوڵت دادڕی شێتانه‌؟!

* * *

ماڵه‌كه‌تان هه‌مووی شێته
ته‌قویمه‌كه‌ت ئاشقێكی شێته!
تابلۆكانت پڕن له ژنێكی شێت و
گوڵدانه‌كه‌ت پڕه‌ له‌ چه‌پكێك گوڵی شێت
بیرت نه‌چێ..
خۆشت هه‌ر شێتی..!؟

* * *

ئه‌ته‌وێ شێتم كه‌ی..؟
یا ئه‌ته‌وێ شێت بم بۆت
بیرت نه‌چێ
بمبه كه‌نار ده‌ریایه‌كی شێت و
چه‌پكێ گوڵه به‌یبوونی شێتم بۆ بنێره
بزانه..
چۆن منیش شێت ئه‌بم
وه‌ك خۆت!

• • •