گوێگره‌ ئــــــــــــــــــــــــه‌مڕۆ له‌ ئــه‌م ده‌نگه‌ زوڵاڵه‌ی چوارچرا
چرکــه‌چرک و گرفه‌گرفی ئـــــــــــــــــــه‌م ده‌روونه‌ی چوارچرا

شێری نوستوو گـــــــــه‌ر له‌ مه‌یدانێ له‌ سه‌ر هه‌ردی هه‌یه‌
هــــــــــــــــــــه‌ر ده‌بێ وا ڕاپه‌ڕێ ئه‌مڕۆ بــه‌ نرکه‌ی چوارچرا

تۆ له‌ نێو قه‌لبی مه‌هــــــــــــــــــــــــابادی، مه‌کۆی یارانی تۆ
خۆشه‌ویستی مه‌ی، ئـــــــــه‌وینی مه‌ی هه‌تا هه‌ی چوارچرا

هێند به‌هێزه‌ خۆشه‌ویستیت هــــــــــــــــــــه‌ر لـه‌ دڵدا جێگره‌
نامرێ و گه‌شتر ده‌بێ ئه‌و هـــــــــه‌سته‌ گه‌رمه‌ی چوارچرا

«لاس»ه‌ وه‌ک په‌روانه‌‌یی دێ تا بسووتێ چه‌شنی شـــــه‌م
تا «خه‌زاڵ»ی هـــــــــــه‌ر له‌ تاریکی نه‌ژی ئــه‌ی چوارچرا

شوێنی خۆشیی و شـــــادمانی و مه‌نبه‌عی تیشکی ئــه‌وین
هــــــــــه‌ر ده‌بوو هه‌ڵبێ له‌ لایه‌ک نووری دیده‌ی چوارچرا

پڕ له‌ شــــــــــــــــــادی و پێکه‌نینه‌، پڕ له‌ گریان و له‌ شین
پڕ لـه‌ ڕه‌مز و ڕازه‌ ئـــــــــــــــــــه‌و مێژووه‌ درێژه‌ی چوارچرا

لێره‌بوو، وا هـــــــــــــــــــه‌ڵکرا ئاڵای گه‌ش و ڕه‌نگینی کورد
دێ بـــــــه‌ دێ و شار بـــــــــه ‌شار رۆیی چریکه‌ی چوارچرا

لێره‌بوو، وا هـــــــــــــــــــــــه‌ڵدرا سێداره‌ بۆ عیشق و ئـه‌وین
داخه‌کــــه‌م که‌س گوێی نه‌گرت بۆ داد و ناڵه‌ی چوارچرا

ئــه‌ی ئه‌ویندارانی هــــه‌م کوێستان و هه‌م گه‌رمێن وه‌رن
هــــــــــه‌ر نیازێکتان هه‌یه‌ ڕووکه‌ن لــه‌ ڕووگه‌ی چوارچرا

بۆ کــــه‌سێکی ئاشقی ڕێبازی نووره‌، خــــــــــــــــــه‌م نه‌خوا
ڕۆژی خۆی هــه‌لدێ لـــه‌ گشت لا، ئه‌م گزینگه‌ی چوارچرا

* * *
هـــــــــــــــــــه‌ر کــه‌ ڕووخا په‌یکه‌ری زاڵم چرایه‌ک هه‌ڵکرا:
هـه‌سته‌ حاجی، شێخی نه‌هرێ چۆته‌ کــــه‌عبه‌ی چوارچرا

«خانی»! «مه‌م» بێنه‌ که‌ «زین» ئه‌مڕۆکه‌ چۆته‌ داوه‌تێ
ڕه‌مزی جــــــوانی ده‌چنه‌ نێو بـه‌زم و هه‌راکــه‌ی چوارچرا

«نالی»ی و «مه‌حوی» بــه‌ سۆز و سازه‌وه‌ چوونه‌ ســــه‌ما
زیکر و ئاهـــــــــه‌نگی «وه‌فایی»شه‌، وه‌فـــــاکه‌ی چوارچرا

پێکه‌نن«قازی» و«مه‌لا» ئـــــ‌ـــــه‌مڕۆکه‌ من موژده‌م ده‌وێ
وا «مه‌لیک مه‌حموود»ه‌ هــــــــــاتووه‌ بۆ پیاسه‌ی چوارچرا

تۆ به‌ به‌سته‌ی خۆشی سه‌ربه‌ستی له‌خه‌و ڕابه‌«هه‌ژار»
هــــه‌سته‌«هێمن» ڕه‌شبه‌ڵه‌ک بگره‌ له‌ ده‌وره‌ی چوارچرا

کــــــــــورد دڵی خۆشه‌ و گوڵی شادی له‌ ده‌م هه‌ر ناکه‌وێ
چونکه‌ ئــــــه‌مڕۆ نوور ئه‌پڕژێ لــــــــــه‌م گڵۆپه‌ی چوارچرا

شه‌ق ده‌با ئه‌مڕۆ ئه‌وه‌ی ناحــــــــــــه‌ز به‌ مافی کوردی یه‌
چاوی هـــــــــــــــــــــه‌ڵنایه‌ له‌ به‌ر شۆقی چراکه‌ی چوارچرا

توندی کـــــــــــــه‌ن زه‌نگاڵ و پشتێند و شه‌ده‌، پێ هه‌ڵبڕن
بێن به‌ره‌و هۆبه‌ و هــــــــــــــــه‌وار و ڕاکه‌ تاکه‌ی چوارچرا

کـــــــــــــــــــــوان کوڕی ئازا و دڵپاک، کیژی ئازاده‌ و له‌بار
بێن له‌ هــــــــــــه‌ر لاوه‌ به‌ره‌و ئه‌و هه‌ڵپه‌ڕینه‌ی چوارچرا

پۆل به‌ پۆل و ده‌سته‌ ده‌سته‌، خۆ بڕازێنن به‌ گــــــــــــــوڵ
ده‌ست له‌ناوده‌ست، شانبه‌شان بۆجێژنی تازه‌ی چوارچوا

خـــــــــــــــه‌م مه‌خۆن و هه‌ر بڕۆن و نۆره‌ نۆره‌ی شادی یه‌
هـــــــه‌ڵده‌بێ هه‌ر چوارچرا، له‌و ده‌ور و پشته‌ی چوارچرا

• • •

ستۆکهۆڵم، مانگی ئاوریلی 2003