غه‌زه‌ل: په‌ری سیما
• حافزی شیرازی

به‌ چـــــــــــــاوی خۆم هه‌ڵناوه‌، برۆی په‌ری سیمایێ
خه‌یاڵی ســــــــــــــه‌‌وزخه‌تێکم نه‌خشاندووه‌ له‌ لایێ

ئه‌وا بــــــــه‌‌ خۆشیی خه‌یاڵ، په‌خشانی عیشقبازیم
له‌و که‌وانچه‌ی برۆیه‌ گـــــــــــــه‌‌یشتووه‌ته‌ ته‌غرایێ

ســــــــــــــه ‌رم دێ تێدابچێ، چاوم سۆمای  نه‌ماوه‌
به‌ ئاره‌زوویی سه‌ر و چـــــــــــــاوی مه‌جلیس نمایێ

ئــه‌‌من که‌وا له‌ ڕووی وی، هه‌یڤم له‌ سه‌ر هه‌یوانه
هـــــه‌‌رگیز چاوم به‌ گرشه‌ی چ ئه‌ستێران هه‌ڵنایێ

له‌و جێگایه‌ی كـــــه‌‌ جوانان به‌ غه‌مزه‌ تیغ بکێشن
له‌ لات نابێ سه‌یر بێ، كـــه ‌ سه‌ر بچته‌ ژێرپایێ!

ژوان و دووری چییه‌ بۆت؟ ڕه‌زا لـــــــــه‌‌ یار بخوازه‌
که‌حه‌یفه‌ بێژگه‌له‌خۆی، هه‌تبێ خۆزگه‌و هیوایێ

هــــه‌‌وساری ئه‌و دڵه‌ی من له‌ ده‌ست که‌سێکی وادا
ڕاناگــــــــــــــرێ  بـــــــه‌‌ دره‌وێش، چ میر و پادشایێ

سازکه‌ن له‌ ڕۆژی مه‌رگم تابووتی من لــــه‌‌ شمشاد
كــــــــــــــه‌‌وا ده‌ڕۆین به‌ داخی شۆخی بڵیند باڵایێ

گه‌وهه‌ربارانم ده‌كــــــه‌‌ن پۆلی ماسی له‌ خۆشییان
كـــــــاتێ که‌ لۆتکه‌ی «حافز» بگاته‌ سه‌ر ده‌ریایێ

وه‌رگێڕانه‌وه: س. چ. هێرش

• • •