به‌ گوێره‌ی هه‌واڵی ڕۆژنامه‌ی (كوردستانی نوێ: 29-11-2004)،  ڕۆژی چوارشه‌مۆ ڕێكه‌وتی 24-11-2004، نووسه‌ر و شاعیری كورد كاك عه‌بدولڕه‌حمانی مه‌لا سه‌ددیقی قه‌ره‌داغی ناسراو به‌ «گۆران قه‌ره‌داغی»  له‌ كاره‌ساتێكی دڵته‌زێنی ته‌لی كاره‌بادا، گیانی خۆی له‌ ده‌ست ده‌دا و بۆ هه‌میشه‌ ماڵاوایی له‌ ژیان ده‌كا.
شیاوی گوتنه‌ كاك «گۆران قه‌ره‌داغی» كه‌ ماوه‌ی چه‌ند ساڵێك بوو له‌ و‌ڵاتی سوێددا ده‌ژیا، بڕیاری دابوو به‌ یه‌كجاری بگه‌ڕێته‌وه‌ كوردستانی باشوور(سلێمانی) و له‌وێ ژیان ڕابوێرێ، به‌ڵام به‌داخه‌وه‌ مه‌رگی كتوپڕ و له‌‌ ناكاو مه‌ودای پێنه‌دا ئاواته‌كانی له‌ پێناو خزمه‌ت به‌ گه‌ل و نیشتمان بێنه‌دی.
ماڵپه‌ڕی گزینگ، وێڕای ده‌ربڕینی خه‌م و په‌ژاره‌ و، هه‌روه‌ها پرسه‌ و سه‌ره‌خۆشیی له‌ بنه‌ماڵه‌ و كه‌سوكار و دۆستانی كاك گۆران؛ به‌ پارچه‌ هۆنراوه‌یه‌كی خۆی، یادی یه‌كێك له‌ ئازیزترین هاوكارانی پێشووی گۆڤاری (گزینگ) زیندوو ڕاده‌گرێ و، هێوری و ئه‌هوه‌نیی بۆ هه‌موو لایه‌ك به‌ ئاوات ده‌خوازێ.

س. چ هێرش

سه‌رچاوه‌: گۆڤاری گزینگ، ژماره‌ 17، پاییزی 1997