ئاگاداری: سه‌باره‌ت به‌ 2ی ڕێبه‌ندان له‌ هه‌رێمی کوردستان / ئیداره‌ی هه‌ولێر

بۆ جه‌ماوه‌ری گه‌لی کوردستان
بۆ هه‌موو  پارت و لایه‌نه‌ سیاسییه‌كان،
بۆ ڕای گشتی و سه‌رجه‌م ده‌زگاکانی ڕاگه‌یاندن
بۆ هه‌موو ئه‌و به‌ڕێزانه‌ی که‌ بانگهێشتنی ڤیستڤاڵی کۆماری کوردستان کرابوون.
به‌ پێی بڕیارێکی سه‌ر‌ۆکایه‌تی هه‌رێمی کوردستان بڕیار وابوو که‌ له‌ ڕۆژی 22.01.2006  به‌رامبه‌ر به‌ 2ی ڕێبه‌ندان له‌  ڤیستڤاڵێکی 2 ڕۆژی دا یادی60 هه‌مین ساڵڕۆژی دامه‌زراندنی کۆماری کوردستان پیرۆز بکرێت، بۆ ئه‌و مه‌به‌سته ژماره‌یه‌کی زۆر میوانی کورد له‌ هه‌ر چوارپارچه‌ی کوردستان له ‌ناوه‌وه ‌و ده‌ره‌وه‌ی وڵات به‌ ڕێکخستن له‌گه‌ڵ وه‌زاره‌تی ڕۆشنبیری هه‌رێمی کوردستان / ئیداره‌ی هه‌ولێر،  بۆ ئه‌و ڤیستیڤاڵه‌ بانگهێشت کرابوون. به‌ڵام ئه‌مڕۆ له‌ کاتێکدا زۆربه‌ی میوانه‌کان هه‌موو ئاماده‌کارییه‌کیان کردبوو بۆ ئاماده‌بوون و ته‌نانه‌ت ‌هه‌ندێک له‌ میوانان چه‌ند کاتژمێرێکیان مابوو به‌ڕێ بکه‌ون، له‌ لایه‌ن به‌ڕێز وه‌زیری ڕۆشنبیری هه‌رێمی کوردستان / ئیداره‌ی هه‌ولێر، پێم ڕاگه‌یه‌نرا که‌ له‌ لایه ن سه‌رۆکایه‌تی هه‌رێمه‌وه‌ ڕێکخستنی ئه‌و ڤیستیڤاڵه له‌ به‌ر سه‌رقاڵی سه‌رۆکایه‌تی و داموده‌زگاکانی حکوومه‌تی هه‌رێم به‌ دامه‌زراندنی حکوومه‌تی ناوه‌ندی عێراق و هه‌روه‌ها یه‌کگرتنه‌وه‌ی هه‌ردوو ئیداره‌که هه‌ڵوه‌شێنراوه‌ته‌وه، من له‌ لایه‌ن خۆمه‌وه‌ داوای لێبوردن له‌ هه‌موو ئه‌و به‌ڕێزانه‌ ده‌که‌م که‌ له‌ سه‌ر داوای سه‌رۆکایه‌تی هه‌رێم‌ بانگهێشتی ئه‌و ڤیستیڤاڵه‌م کردبوون و ئێستابه‌ داخه‌وه‌ جێ به‌ جێ نابێت.

 عه‌لی قازی/ کوڕی ڕه‌ش

16.01.2006

• • •