2005-03-14

سێ غهزهل: حافزی شیرازی
وهرگێڕانهوه: هێرش •

خاوهندڵان

دڵ وا دهڕوا لــــــــــــــــــــه دهستم خاوهندڵان خودایێ
دێ ئاشكــــــــــــــــــــــــــرابێ ڕازم، لێم ڕاببێ سهڵایێ!

كـــــــــــهشتی تێماوهكانین، ئهی بای شهماڵی ههڵكه
تا ئــــــــــــــــــــــــــــهو چهلیش ببینین دیداری ئاشنایێ

دوێشهو لهلای گوڵوموڵ، چهندخۆشی خوێند بولبول:
«پڕكهن ئــــــهی بادهنۆشان ههركام پیاڵهو له لایێ
ئــــــهو ڕووتاڵهی كـــــــه سۆفی ماكهی فهسادی نێونا
بیخــــــــــــــــۆنهوه بـه خۆشیی یاری فهڕوخ لهقایێ!»

لـــــــــــــه كاتی تهنگدهستی، ڕابوێره ژین به مهستی
مـــــــــــهیه، ئیكسیری ههستی، دهكا قاڕوون گهدایێ

ئـــــــــاوێنهیی ئهسكهندهر، تێیڕوانه وهك جامی مهی
تا بۆتی بهرمهلاكا، بهسهرهــــــــــــــــــــــــــاتی دارایێ

ســـــهركێش مهبه كه وهك مۆم له غیرهتت بسووتێ
دڵبــهر كه بهردی مهڕمهڕ وهك مێو له دهستی دایێ

ئـــهی خاوهنی سهربهستی، به شوكریی تهندروستی
جـــارجـــاره بگره دهستی دهرویش و بینـــــــــــــهوایێ

ده ڕۆژ خۆشی دونیایه، وهكوو ئهفســــــــــــــــانه وایه
یارانی خۆت له بیر بێ، كــــه ژیان بهنده به بایێ
ئاســـــــــــایشی دوو دونیا، ئهو دوو قسهی ههڵدهگرێ
له گــهڵ دوژمن به نهرمی، له گهڵ دۆستان وهفایێ

توركــــــــــــــــــــــــانی پارسی وێژ، بهخشێنهرانی ژینن
دهســــــــــــــــــــــــــــا ساقی خهبهركه پیرانی پارسایێ

لــــــــــــه نێو مهڵبهندی چاكان، ڕێگهی ئێمهیان نهدا
گــــــــــــــــهر تۆ پهسندی ناكهی بیگۆڕه خۆت قهزایێ!

«حــافز» نهیكرده بهرخۆی، ئهو خهرقه عارهقاوییه
ئــــــــــــــهی شێخی پاكداوێن، بمبهخشه خۆ و خودایێ!

• • •

سهرنج: سهر دێڕی غهزهله فارسییهكه ئاوایه:
دل می رود ز دستم صاحبدلان خدا را

------------------------------------------------------------------

توركی پهریڕوو

ئهو توركی پهریڕوو كـــــــــــه له لام، شهو له پڕا چوو
ئایا چ خهتایهك بوو، كــــــــــــــــــهوا ڕێ به خهتا چوو

تـــــــــــا ڕۆیی له بهر چاوی من ئـهو نووری جیهانبین
كـــــــــــــهس حاڵی مه نازانێ، كه لهو چاوه چها چوو

كـــــــهی شهم له ئهسهر ئاوری دڵ، شهو بهسهریهات
ئهو دووكهڵی سینهی كه له سهرمان، ده حـــهوا چوو

دووری ڕوخی ئـــــــــــــــــــهو، باعیسی تۆفانی بهڵا بوو
بــــــــــهم بهحره سروشكهی كه له نێو چاوی منا چوو

تا هـــــــــــات شهوی هیجرانی، شكا پێی قهڵهمی پێم
بــــــــهو دهرده دهناڵین كــــه له دهست ئێمه دوا چوو

چیم داوه له ئیحڕام، كــــــــــــــه نهبێ كهعبهیێ لێره
هـهوڵی چ بدهم كاتێ له ناو «مهڕوه» «سهفا» چوو

بۆ ژوانی دووباره، گوتی دڵ، چـــــــــــــــــــــاره دوعایه
عومرێكه، كـــــــه عومری مه، له سهر كاری دوعا چوو

دۆینێكه به ڕامان گوتی دوكتور كـــــــــــــــــه منی دی:
ئهفسووس كـــــــه چارهی تۆ به "قانوونی شهفا" چوو!

ئـــــــــــهی دۆست وهره تـا زیندووه «حافز» بڵێ چۆنه
فایدهی چییه پاشان، كــــــــه له سهر داری فهنا چوو

• • •

سهرنج: سهر دێڕی غهزهله فارسییهكه ئاوایه:
ان ترك پریچهره كه دوش از بر ما رفت

------------------------------------------------------------------

بێخهمانی مهست

ئێمــــــــــــــــه بێخهمانی مهستی دڵ له دهست دراوین
هـــــــــــــاوڕازی عیشق و هاونهفهسی جامی شهڕواین

هێندیان ده ڕوودا كێشاین تیری توانج و تــــــــــــــانه
لـــــــــــــــــه سای ئهبرۆكهوانان، ئێستا كار ڕاپهڕاوین

وهك گــــــــــــــــــــــوڵاڵه مهبینه لهو ناوه مهی و پیاڵه
دڵی پڕ خوێن ببینه، كــــــــــــــــــهوا چۆن داخ كراوین!

تــــــــــــۆ داخی خۆشهویستیت دۆینێ شهوێ چێشتووه
ئــــــــــهی گوڵ! ئێمه گوڵاڵهین له گهڵ داخهوه زاوین

پیری موغان لــــــــــه تۆبهی ئێمه ئهگهر پهرۆش بوو
بڵێ بــــــــــــــــــــــه بادهپاڵێو، كه ملكهچ ڕاوهستاوین!

ئــــــــــهتۆی كارسازی كاران، هاوار ئهی ڕێنیشاندهر!
ئینســــــــــــــــــاف شتێكی باشه، كهوا ههموو تێماوین

گـــوتت كه«حافز» چییه ئهو گشت ڕهنگ و خهیاڵه؟
نهخشی غهڵهت مهخوێنه، لهوحێكی ساده و خاوین!

• • •

سهرنج: سهر دێڕی غهزهله فارسییهكه ئاوایه:
ما بی غمان مست دل از دست داده ایم