بهر لهوهی خۆشت بوێم

• کهژاڵ ئیبراهیم خدر ــ قهڵادزێ

1
فێری پێکهنینم مهکه
لهو رۆژهوهی به گریان چاوم کردهوه
من به تهنیا
له زمانی گریان تێدهگهم؟

2
دهستت مهخهره نێو دهستم
با دهستم رهنگی تۆ نهگرێ
نهوهک له تهوقه کردنێکدا
کیژۆڵهیهک رهنگت بدزێ

3
سهرت مهنێ بهسنگمهوه
با هێنده بۆنی تۆ نهگرم
زۆر دهترسم که لێم دووربی
بهبێ ئهو بۆنهی تۆ بمرم؟

4
هێنده سهیری چاوم مهکه
خۆت دهزانی چهند عاشقم
رهنگه له سهیرکردنێکدا
تیری حهزێکمت تێبگرم

5
لێوت مهنێ بهلێومهوه
من دهزانم له نێوانی لێوهکانمان
سهنگهرێک، کهمینێک نییه
بهڵام گهر بهیهک بگهن
ئهبێ، یهکێکیان شههید بن

6
له لای کهس ناوم مههێنه
با نهزانن خۆشم ئهوێی
تاساباتهکانی عهشق و
باخچهکانی خۆشهویستی و
پهنجهکانی من نهسووتێن؟1

7
ههناسهتم تێکهڵ مهکه
نهکا وهک لقی درهختێ
بهرگهی شنهبات نهگرم و
بهسهر تۆدا بشکێمهوه

8
دهستت مههێنه به قژما
جێگهی دهستت نابێتهوه
پڕپڕیهتی لهچهپۆکهکانی دایکم
گۆچانهکهی دهستی باوکم؟

9
لهگهڵ پێما ههنگاو مهنێ
بۆمن کارێکی گرانه
له مهملهکهتی ئازادی و تیرۆر
خۆشهویستی سزادانه؟

10
بهر لهوهی هیچ شتێک بڵێی
فێرم بکه له مانای لێ بووردن بگهم
تا لهو گوناهانه خۆشبم
به دیاری درانه دهستم؟

Kazhal_3@hotmail.com

• • •