کسپهی سووتان
• رهسوول سهفهریانی(وهیلان)

ئهڵێن مردن یانی
خرمهی دابڕانی لهش و رهگی ژیان لهیهک
کاتێ داسی مهرگ ئهیدوورێ
که ژیانیش لێت دهبێته شووشهی شکاو
لێوهی تیژی ماڵئاوایی
ئهناسێنێ به شلکایی دڵی جووتی خۆشهویستان
چهشنی شووتی و زهبری چهقۆ
کرچهی بڕین و دابڕان
مردنێ وا دهخولقێنێ
که تهرمهکهی به تابووتی چ وشهیهک ههڵناگیرێ
جهههننهمی ئهو مردنه
دوایین ساتی سهر لێواری دابڕانه و
له تهنووری ماچ و بوغز و فرمێسکدا
ئهبێته ههڵم و
خهیاڵ ئهتبا و..
لهشهوێکی چاوخنکێنا
که ههناسهی گهرمی ژیان
له سپیایی کفنی بهفرا قهتیس دهبێ
یهکهم گوڵه بهفری ئهتۆ
وهک پهپووله له لێواری پهنجهرهکهی ژووری خهویان
بهئهسپایی ههڵئهنیشی و
وهکو زهردهی لێوی ساوای خهولێکهوتوو
کهم تهمهنی و
به بروسکهی دیدارێکیان
وهک کۆتری تیر لێدراو
یهک دوو فرته و
سێ چوار پهلی با ههڵگرتووت
له چوار چێوهی بیرهوهری پهنجهرهکه تۆمار دهبێ
له دهسرێژی رێژنه بارانی بههاراندا
دڵۆپێکی فرمێسک ئاسای
وهک باڵندهی ترس ههڵگرتوو
خۆ دهکوتی بهسهر چاوهی شووشهیانا و
وهک رێبواری وزه سووتاو بهههناسهی سووری هاوین
که دهگاته ژێرسێبهری تاقهداری گوێ شلکردوو
بۆ گۆرانی کانیاوێکی بچکۆلانه
ئارام وهکو خزانی خهو بهجهستهدا
ئهخشی بهسهر کوڵمی ساردی پهنجهرهدا و
به پرشنگی تاوی چاوی بهرهو رۆچنهی چاوهڕوانی داکوتراویان
وهکو ئاوی تکاوی سهر سۆپای بهتاو
تهنیا کسپهی سووتانێک و
هێڵی شوێنه گریانێکت
لهسهر گۆنای شووشهییان جێ دهمێنێ
لهگهڵ سروهی بهیانێکدا
ئهچیه سنگی گڕکهیهکی دێمهکار و
شان بهشانی کۆڕه میوهی رهشبهڵهکی نێو سهلهیان
به بێدهنگی خۆ دهکهیتۆ به درگادا و
پڕ به پێستی گشت ماڵهکه دهگهرێیت و
بهقهد تاسهی دیداریشیان
ئهچیه ناخی سنگیانهوه.
بههارێک و پاییزێک و
ساڵێتر و
چهن ساڵیتر..
به قهیرایی سهدهیهکه ئهم مردنهم لهگهڵدایه و
گهرد و لوولی گهردهلوولم لهسهردایه و
ههمو رۆژێ سهدان کهڕهت
له سهدان جێی لهشی لهتلهت کراومدا
ئهو کرچهیه دهچێژم و
ئازارێکی تیژتر له خوێ
زامهکانم دێنێته سوێ

زستانی 2004

safaryani@yahoo.se

• • •