تهرجومانی کارهسات

• ئهحمهد شاملوو

وتاره فیلمێک دهربارهی نهقاشیگهلی ساڵانی دهیهی 60ی عهلیڕهزا ئهسپههبود

سهحنه چ دهتوانێ بلێ
وهختایهک که له کایهوان و کایه
بهتاڵه؟
ئا لێره شازی جوانیی له کاردا نییه
که کاغهزی دیوارپۆشیش
دهبوایه

جوان بێ.

له غیابی ئینساندا
جیهان ههوبوونێکی نییه،
له غیابی مێژوودا
هونهر
عیشوهیهکی بێ عار و دهرده،

زاری بهستراو
زراوچوونی فریوکاره له لهقاودان

دهستی بهستراو
ڕاگرتنی ئینسانێکه له داهێنان

خوێنی ڕژاو
حورمهتێکی ڕێژراوه به زبڵدان
وێڕای تێرخۆریی زگپهرستانه.

هونهر شایهتێکه له گوێن ڕاستی:
نوورێک که کارهسات تهرجومه دهکاتهوه
تا بنیادهم
گهورهیی خهیاڵاوی وهگیرخاتهوه.

نوور
شهوکوێر...

نوور
شهوکوێر...

نوور
شهوکوێر...

نوور
شهوکوێر...

وهرگێڕانهوه: س. چ. هێرش

• • •

سهرچاوه: مدايح بی صله، احمد شاملو، ل 122. شیاوی گوتنه، ئهو کتێبه که له ژێر نێوی (پهسنگهلی بێ پاداش) له زهمانی ژیانی نهمر شاملوو دا کرابوه کوردی، بڕیاره له لایهن (کتێبفرۆشی ههرزان)هوه به زوویی چاپ و بڵاوبکرێتهوه. س. چ. هێرش