ئهتۆ خۆش (شێعر)
• محهمهد نووری

که مردم بێ هــــــــهواڵ، تهنیا، ئهتۆ خۆش
مهڵێ بێ واده مرد، نـــــــــهژیا! ئهتۆ خۆش
ســــــــــــهدان ئاواتی ئاوارهم به جێهێشت!
لهگهڵ خۆم برد هـــــه زار بریا ئهتۆ خۆش
كـــــــــــــــــه دیتت ساڵی دی، کاتی بههاران
هــــــــــــــــهور بۆ ژیانهوهم گریا ئهتۆ خۆش
که ڕایدا هــــــــــــــــــهوری ئاوات و نهباری؟
بڵێ: تاســـــــــــــــاڵی دی، دهریا ئهتۆ خۆش
لـــــــه سهر بهرزیی وڵات نزمیم گهلێ دی
ئهوهی کێشام لــــــه ڕێت جزیا ئهتۆ خۆش

(ئهنهلحهق)گۆ وهکوو مهنسووری حهللاج
ســـــــــــــهرم بڕوا له سهر دارا ئهتۆ خۆش
چبوو؟! ساتێک بــــــــــــــه دڵشادی ژیابام؟
كـــــــــه من نهمدی کوڕی ئازا ئهتۆ خۆش
که وامیق ههر کوتای ئاسن به ســـاردی!
نهسووتا بۆی، دڵی عــــهزرا، ئهتۆ خۆش
که مـــــهم زهینی به زینێ ڕوون نهبۆوه؟
لـــــــــــه گۆڕیشدا دهڵێ: لهیلا ئهتۆ خۆش

ههتا بێستوون به ســـــــهر بهرزی بمێنێ
ههزار فــــــهرهاد لهوێ نێژرا ئهتۆ خۆش
که بانه «ئــــــــهربهبا»ی بانی ههوا بێ
«کهلیخان» با کهسیرهم کا، ئهتۆ خۆش
هــــــــــــهتا «داشامهجید» داژداری شاره
مــــــــههابادی له باوهش خا ئهتۆ خۆش
که «ناڵهشکێنه» ناڵـــــــــــهی دڵ شکێنه
دهڵێم «ئاویدهر»ت ئــــــــــاوا ئهتۆ خۆش
که نووری سهربهسهر دارماڵی غهم بێ!
دهڵێم: کۆگای گـــــهلی زانا، ئهتۆ خۆش

• • •

سهرچاوه: گۆڤاری سروه، ژماره 196، خهزهڵوهری1381