بۆ کاک قهرهنی قادری بهرپرسی «کوردستان پرێس»

خوێنهرهوهی بهرێز، ئهو کورته نووسراوهیهی لێرهدا دهیخوێنیهوه سهرنجێکی دۆستانهیه بۆ نووسهری ڕێزدار کاک »قهرهنی قادری» بهرپرسی ماڵپهڕی «کوردستان پرێس» و، له سۆنگه و ڕێگهی ئهویشهوه بۆ تهواوی ئهو ئازیزانهی که خهریکی کاری نووسین یان ڕاپهڕاندنی ئهرکهیلی وهک بهڕێوهبردنی ماڵپهڕی ئینتێرنێتی و چالاکی ئهدهبی و فهرههنگین.
ئاشکرایه که به هاتنهکایه و باوبوونی ڕایهڵهی ئینتێرنێتیی، ئاڵوگۆڕێکی یهکجار مهزن له چۆنیهتی پێوهندییهکانی جیهانی و نێونهتهوهییدا هاتووهته ئاراوه. بهشێکی ههره زۆری ئهو زانیارییانهی که جاران حهوجێی به وهخت و ساتێکی چاوهڕواننهکراو و بهدواداگهڕانێکی ههراو ههبوو، ئێسته له چاوترووکانێکدا دهکهونه بهردهستی مرۆڤ و له ناودهلاقهی کامپپیۆتێردا زهق دهبنهوه. دیاره یهکێک له لایهنه باش و بهرچاوهکانی ئهو ئامرازی پێوهندییه، دهکارهێنانی دروست و، دانی زانیاریی راست و بهکهڵکه به بهردهنگ و کۆڕوکۆمهڵی خوێنهرهوه. کهوابوو، ههر لهو ڕوانگهشهوهیه که دۆستی بهرێزم کاک قهرهنی قادری دهکهمه بهردهنگ و ئهو سهرنجه دۆستانهیهی به خزمهت ڕادهگهیێنم.
دیاره دهوهدا شک نییه، ماڵپهڕی خنجیلانهی «کوردستان پرێس»، که چهند ساڵه به شێوهیهکی چالاک و ڕێکوپێک له لایهن کاک «قهرهنی قادری»یهوه بهڕێوه دهچێ، توانیویه جێگهی شیاوی خۆی له ناو کۆڕوکۆمهڵی خوێنهرهوهی کورددا بکاتهوه و، بهم جۆره خزمهتی فهرههنگی و ڕۆشنبیریی خۆی درێژه پێ بدا. ئهوهش جهخت بکهمهوه که ئهگهر ههر سووکه ڕهخنهیهکیش له قاڵبی سهرنجدا خۆ بنوێنێ، ئهوا دیسانیش ههر بۆ هاندان و بهرهوپێشبردنی ئامانجه فهرههنگی و مهبهسته ڕۆشنبیرییه هاوبهشهکانی کۆمهڵی کوردهواری یه و بهس.
ڕۆژی 26 نۆڤامبر(2005) نزیکهی سهعات 9.3 ی شهو، که سهردانی ماڵپهڕی «کوردستان پرێس»م کرد و بابهتی «چارهسهری لێنینییانهی کێشهی نهتهوایهتی ــ 26-11-2005» ههردووک (بهشی 1 و بهشی 2)م خوێندهوه، ههڵهیهکی زهقی ناو دهقهکه سهرنجی ڕاکێشام. پێشهکی پێویسته ئهوه بلێم که من زۆر نهچوومه سهر نێوهرۆکی نووسراوهکه و، ههر بۆیهش دوای تهواوبوون به ناردنی ئیمهیلێک و نووسینی چهند دێڕێک ههڵهی گۆرینم بۆ کاک قهرهنی دهستنیشان کرد.
ههڵهکهش ئاوا بوو که له چهند شوێنی ههردووبهشی نووسراوهکهدا، نووسهر و سیاسهتوانی کۆچکردوو مامۆستا عهلی گهلاوێژ(1922-1988)، وهک ئهندامی دهفتهری سیاسی حیزبی توودهی ئێران ناسێندراوه. بۆ نموونه، کاک قهرهنی له بهشی یهکدا نووسیویه: «له لایهن سهرکردایهتیی حزبی تودهی ئێرانیش عهلی گهلاوێژ، ئهندامی دهفتهری سیاسی بهشدار بوو..».
من له سهعات 10.31 ی شهو ئیمهیلهکهم بۆ کاک قهرهنی نارد و، دوای ماوهیهک له سهعات 10.51، له لایهن بهڕێزیانهوه ئهو کورته وهڵامهی خوارهوه گهیشت: « بهرێز ... هێرش، سڵاوت لێ بێت، نامهکهت گهیشت و دهستهکانت خۆش! سپاس بۆ تێبینییهکانت. لهگهڵ ڕێزمدا: قهرهنی قادری».
دوای هاتنی ئهو ئیمهیله و بهتایبهت که کاک قهرهنی له ماڵ بووه و کامپیۆتێرهکهشی له بهر دهستدا بووه، پێموابوو ههڵهکه ڕاست دهکاتهوه، کهچی ههروا مابووهوه. ئهوهی ڕاستی بێ مامۆستا عهلی گهلاوێژ، ئهندامی کۆمیتهی مهرکهزی حیزبی توودهی ئێران و بهرپرسی ڕێکخراوی ههرێمی کوردستان(شارهکوردییهکانی سهر به پارێزگای ئازهربایجانی ڕۆژئاوا و پارێزگای کوردستان ــ سنه) بوو.

ڕۆژی(27-11-2005)، دوای تهواو بوون له کاری ڕۆژانه و هاتنهوه ماڵ، دیسان به پێی عادهتی خۆم که چاوێک به سهر ماڵپهڕهکاندا دهخشێنم، سهیری «کوردستان پرێس»م کردهوه و به سهرسوڕمانهوه بینیم ههڵهکه ههروا له شوێنی خۆیهتی و، چاوم لێ بز دهکاتهوه!
ههروهک دهزانین، ئهو ڕۆژانه که له سهر کێشهی دزی و فزی و گهندهڵیی بهڕێوهبهرایهتی ههردووک ئیدارهی ههولێر و سلێمانی زۆر بابهتی جۆراوجۆر له ڕۆژنامه و ماڵپهڕهکانی دهرهوه و ناوهوه دهنووسرێ و، له «کوردستان پرێس»یشدا بابهتێکی جوانم له ژێر عینوانی «گهڵاڵهی ویلاکان بۆ ڕێبهرانی کوردــ 27-11-2005»، لهم بارهیهوه خوێندهوه؛ ئهوهی گوێی بۆ شل نهکهن ڕاستکردنهوهی ئهو ههڵه ماڵوێرانکارییهی گهندهڵیی ئیداری یه و، مرۆڤ ههقیش بڵێ که خۆشیان واته بهڕێوهبهرانیش دهڵێن دزی و فزی و گهندهلی ههیه بهڵام کهی و چ وهخت تێیههڵدێننهوه ههرخۆیان دهزانن. ئێسته وهڵامهکهی کاک قهرهنیش ههر بهمهرهدی ئهو هاتوهاواره چووه که له سهر گهندهڵیی ئیداری وهڕێخراوه!
به کورتی، کاکه قهرهنی گیان، جهنابت که سپاسم دهکهی و دهفهرمووی دهستهکانت خۆش و به قسهشم ناکهی، دهگهڵ ئهو ڕێبهره (درۆزن)انهی که له کۆتایی نووسراوهکهی خۆتدا وهبهر تهوس و پلارت داون ــ لێم ببووره ــ چ جیاوازییهکت ههیه؟!
دهشزانی ئهو جۆره ڕێبهرانه چ دهبێژن؟: مهترسن، بنووسن، بڵێن، هاوارکهن، له ڕۆژنامهکاندا جاڕبکێشن.. بهڵام ئهوهش بزانن به خوا بایی توورێکتان به قسه ناکهین!!

س. چ. هێرش، 27-11-2005

• • •

• بۆ زانیاریی زیاتر سهبارهت به مامۆستا عهلی گهلاوێژ، بڕوانه:
ماڵپهری ڕۆژههڵات، بهشی ئهدهبیات| نووسهر.