ئاسۆ

• س. چ. هێرش

کاتێک زهوی و ئاسمان
وهک دڵدار و ئهویندار
له دوای گهلێک ڕاز و نیاز
ساوهساو و باوباوێن
یهکتر له ئامێز دهگرن
له داوێنی كاكێشان
جوانترین ڕۆڵهی ژیان:
«ئاسۆ» له دایک دهبێ!

له دایکبوونی منیش
ئاسۆی ئاواتی منیش
ئهو ساتهیه دووراودوور
نازدارێکی ئهدادار
جوان و قهشهنگ و دڵخواز
وهک پهلکهزێڕینهیهک
له دوای گهلێک چاوچاوێن
له جێژوان لێم دهرکهوێ
به سهد مهکر و ئهدا و ناز
بڵێ: «من تۆم خۆشدهوێ»

• • •